Alpine Extrem Trail 04 2014

 Hoi Peter,
äxgüsi, dass mis Feedback ersch jetz chunnt. Ich bi so motiviert heicho vo dem Kurs, dassi gad direkt nachem Fribi versorge na zu mim andere Fribi bi und mit ihre na paar neui Sache aglueget ha. Mich hät de Kurs zum eine bestärkt, dassi es guets Ross ha, wo mit mir jede Seich mitmacht und dass mir üs gägesiitig mega viel zuetraued. Mir sind ja uf die Riederalp ue über teils Passage gritte, wo i nie dänkt hett, dass das überhaupt gaht. =) Zum andere hani aber au gmerkt, dassi mi bodearbeitstechnisch na ordli sett wiiterbilde und ha mi drum gad na anen Bodearbeitskurs agmolde. Es sind sehr lässigi, aspruchsvolli Täg xi im Wallis und sie händ Lust uf meh gmacht! Wär supi, wänns wür klappe im Oktober im Schaffhuusische...
Merci vielmal für dä Kurs! Hammer xi!
Liebi Grüess vo de Ale und de Luana

---

Guete Abig Peter
So, jetzt bini scho wider voll im Arbetsalltag dinne, aber Gedanke kreised immerno bim Extremtrail.. :) Es sich es super Wuchenend gsi, ich und mis Mulis sind gforderet worde, hend vils neusi glernt und mir eimal meh zeigt, dass mis Langohr vil für mich und mit mir macht.  De Ritt uf d Riederalp isch für mich es eimaligs Erlebnis gsi. Ich ha scho gwüsst dass ich so es  berggängigs Tier han, aber jetzt weckts i mir jetzt d Freud uf no meh so Ritt i de Berge welle zmache. Und ich trau mirs au zue. Vorher bini sehr vorsichtig gsi, aber de summer wirdin uf de alp sicher no eis zwei türli amche :)  Beste Dank für d Organisation, dini lerriche Inputs und das super Wuchenend!
Ich wür mi freue wenns im Herbst d Schleitheim usse mit eme Usritt/Kurstag wür klappe.
 Liebi Grüessli us em Thurgau
Tanja mit Mülti ;)


mehr Bilder: 


 

---